Fljetne mi se k domu požuriti,
Z posla na posel mi je iti.
I potem zgruntati
Kak se obaviti:
Od obeda, posode, flaka,
Smetja...
po hiži, po vuni,
od snočka, za zutra...
Sakoga posluhnoti,
Potanaditi, rieč blagu
Zgovoriti i na nešterni pot
Zamočati... i premočati,
Premočati.
I zakričati i pohvaliti,
I navek blizu biti.
Za saku droptu v hiži znati
I sakom pomagati.
I zutra se moram
Zaran stati –
na posel iti
i čez den
se znova ponoviti.
I nesmem zaspati,
Nesmem zaspati,
Jer ja sam
Mati.
Anica Bukovec („Draga domača rieč 2016." – 2. nagrada)
